أول تعليق من حسن شاكوش بعد انتهاء الخلافات بينه وبين ريم طارق

رد مطرب المهرجانات حسن شاكوش، على تعليق ريم طارق طليقته بعد انتهاء الخلافات بينها وبينه وذلك من خلال نشره الفيديو الخاص بها عبر حسابه على موقع الصور والفيديوهات إنستجرام.

وكتب حسن شاكوش قائلا: ""انا أولا بشكرك يا ريم علي كلمة الحق اللي قولتيها في حقي دلوقتي  وذكرتي أنك مشوفتيش مني غير الخير أقبل اعتذارك على ماصدر منك وأنا مكنش ليا أي رد فعل قدام الناس ومش من  تربيتي إني اشهر ببنات الناس حتى لو رد علي كلام يجرحني  أو إساءه ليا".

وأضاف: "مع ان ده كان مأثر عليا نفسيا  وعلي اهلي وكل اللي حوليا قابل اعتذارك، وعفا الله عما سلف، والمسامح كريم واتمنالك كل خير في حياتك واشوفك دايما بخير".

وقالت ريم طارق معلقة على انتهاء خلافاتها مع حسن شاكوش في تصريحات تليفزيونية: "الحمد الله.. أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شيء قسمة ونصيب".